У Вікіпедыі ёсць артыкулы пра іншых асоб з прозвішчам Аруцюнян.
Лявон Врамавіч Аруцюнян (арм.: Լևոն Վռամի Հարությունյան; 13 снежня 1927 — 2007) — савецкі армянскі біёлаг-дэндролаг, доктар біялагічных навук (1971), прафесар (1982), журналіст, публіцыст, пісьменнік і папулярызатар навукі. Заснаваны ім у 1990 годзе Ерэванскі Універсітэт «Айбусак» стаў адным з першых прыватных вну ў Арменіі[2].
Лявон Аруцюнян нарадзіўся 13 снежня 1927 года ў сяле Тавуш Тавушскай вобласці Армянскай ССР[3].
У 1953 годзе скончыў Армянскі сельскагаспадарчы інстытут (цяпер Нацыянальны аграрны ўніверсітэт)[3]. З 1956 па 1978 год працаваў у НДІ батанікі пры Акадэміі навук Армянскай ССР[3]. У 1961 годзе абараніў кандыдацкую дысертацыю. У 1971 годзе абараніў доктарскую дысертацыю па тэме «Інтрадукцыя драўняных у Арменію, яе дэндралагічнае раянаванне і біялагічныя асновы абзелянення». З 1978 года загаднік кафедрай асноў сельскай гаспадаркі і методыкі іх выкладання Армянскага педагагічнага інстытута.
У 1971 годзе стаў членам Саюза журналістаў Арменіі[4]. У 1990 годзе ён заснаваў Ерэванскі Інстытут «Айбусак» (цяпер Ерэванскі Універсітэт «Айбусак»), стаў яго першым рэктарам[4]. У 1994 годзе стаў прэзідэнтам навукова-адукацыйнага аб’яднання «Аруцюн»[4]. У 1995 Аруцюнян узначаліў кафедру біялогіі і метадаў навучання біялогіі ў Ерэванскім дзяржаўным педагагічным універсітэце. У 2006 годзе ён стаў начальнікам аддзела навукі Міжнароднай акадэміі адукацыі[4].
Аруцюнян з’яўляецца аўтарам больш 400 навуковых прац, каля 400 публіцыстычных, часопісных артыкулаў, больш 50 манаграфій, даведнікаў, навучальна-метадычных дапаможнікаў і слоўнікаў[4]. Сярод яго навуковых зацікаўленасцей экалогія, батаніка, дэкаратыўнае абзеляненне, ландшафтная архітэктура. Займаўся пытаннямі абзелянення гарадоў і з’яўляецца аўтарам некалькіх кніг па захаванні ландшафтаў[4].
У Лявона Аруцюняна і яго жонкі Сільвы Аслікян двое дачок (Анаіт, Ганна) і сын (Сурэн)[5].