Лябеднік раскідзісты[4] (Atriplex patula) — від аднагадовых травяністых раслін роду лябеднік (Atriplex) сямейства Chenopodiaceae.
Расліна вышынёй 30-90 см. Сцябло пераважна галінастае і прамое.
Ніжняе лісце няроўна-рамбічнае, шырока клінаватае і пераважна дзідападобнае з коса ўверх накіраванымі вушкамі. Сцябловае лісце — чаргавальнае, суцэльнае або зубчастае, аднакаляровае без налёту, пераважна зялёнае.
Кветкі сабраны ў шчыльныя, коласападобныя суквецці.
Насенне або выпуклае, чарнабурае, дыяметрам 1-2 мм, або крыху плоскае, больш светлыя дыяметрам 2-3 мм.