Лі Люке Тыматэй Закрысан (шведск.: Lykke Li Timotej Zachrisson; нар. 18 сакавіка 1986, Істад, лен Мальмёхус, Швецыя), больш вядомая як Люке Лі (шведск.: Lykke Li) — шведская спявачка.
Люке Лі нарадзілася ў 1986 годзе ў горадзе Істад (правінцыя Сконэ, Швецыя). Пазней сям’я пераехала ў Стакгольм, а калі ёй споўнілася шэсць гадоў, яны з’ехалі ў горы ў Партугаліі, дзе пражылі пяць гадоў. Сям’я праводзіла час таксама ў Лісабоне і Марока, а зімой — у Непале і Індыі[4][5]. Ва ўзросце 19 гадоў Лі пераехала на тры месяцы ў Нью-Ёрк, куды вярнулася назад для запісу альбома, калі ёй быў 21 год.[6][7][8].
Яе міні-альбом “Little Bit”, выпушчаны ў 2007 годзе, атрымаў некаторы поспех. Пра спявачку напісалі ў музычным блогу Stereogum, апісваючы яе стыль як сумесь соўла, электра і " поп-музыкі з цукровай пудры»[9].
Дэбютны студыйны альбом Люке Лі “Youth Novels” выйшаў у Скандынавіі на лэйбле LL30 студзеня 2008 года. Больш шырокі рэліз у Еўропе адбыўся ў чэрвені таго ж года, а праз два месяцы - у ЗША. Пласцінку спрадзюсавалі Б’ёрн Ітлінг з групы Peter Bjorn and John і Ласэ Мортэн.
Другі альбом спявачкі пад назвай “Wounded Rhymes” быў выпушчаны ў 2011 годзе.
Трэці альбом “I Never Learn” быў выпушчаны 2 мая 2014 года.
8 чэрвеня 2018 года спявачка выпусціла свой чацвёрты альбом “So Sad So Sexy”[10].