Людміла Пятроўна Царанко́ва (дзявочае Сцяфа́нава; нар. 7 лістапада 1930, г. Варонеж, РСФСР, СССР — 3 лістапада 2006) — беларуская спявачка (лірыка-каларатурнае сапрана). Заслужаная артыстка Беларускай ССР (1968).
Скончыла ў 1953 годзе Магілёўскае музычнае вучылішча. У 1953—1989 гадах салістка Дзяржаўнай акадэмічнай харавой капэлы Беларусі. Валодае прыгожым голасам чыстага тэмбру. Выканаўца народных песень, сольных партый у харавых і кантатна-аратарыяльных творах беларускіх, рускіх і заходне-еўрапейскіх кампазітараў: «Дняпро» Я. Туранкова, «Павей, ветрык» Р. Пукста, «Мелодыя» С. Рахманінава, «Авэ Марыя» А. Луццы ў апрацоўцы Э. Тырманд і інш.