У Вікіпедыі ёсць артыкулы пра іншых асоб з прозвішчам Баліцкая. Людміла Пятроўна Баліцкая (23 студзеня 1941, Краснаярск) — беларускі архітэктар.
Скончыла ў 1974 годзе Брэсцкі інжынерна-будаўнічы інстытут. Працавала раённым архітэктарам Слаўгарада Магілёўскай вобласці, у Магілёўграмадзянпраекце, з 1983 года — кіраўнік групы праместэтыкі «Хімвалакно» ў Магілёве.
Член Саюза архітэктараў СССР з 1978 года. Пражывае ў Магілёве.
Асноўныя працы: сярэдняя школа ў Краснаполлі (1978, у аўтарскім калектыве), сквер у Клімавічах (1980) Магілёўскай вобласці, інтэр’еры гасцініцы «Задняпроўе» (1982) і краязнаўчага музея (1986), дзіцячы парк у Задняпроўі (1982) у Магілёве.