Людвіг Гатэрман (ням.: Friedrich August Ludwig Gattermann, 20 красавіка 1860, Гослар — 20 чэрвеня 1920, Фрайбург) — нямецкі хімік-арганік. З 1900 г. прафесар Фрайбургскага ўніверсітэта.
У 1888 г. атрымаў чысты хлорысты азот. У 1890 г.паказаў, што атрыманыя ім n-азоксіанізол і n-азоксіфенатол валодаюць ўласцівасцямі вадкіх крышталяў. Прапанаваў спосаб сінтэзу араматычных альдэгідаў (Гатэрмана-Коха рэакцыя). Шырока вядома кіраўніцтва Гатэрмана для практычных заняткаў па арганічнай хіміі (1894).