У Вікіпедыі ёсць артыкулы пра іншых асоб з прозвішчам Канановіч.
Любоў Іванаўна Канановіч (11 лістапада 1932, в. Галева, Пінскі павет, Палескае ваяводства — 21 жніўня 2012) — Герой Сацыялістычнай Працы.
З 1952 года працавала паляводам, даяркай у калгасе «Аснежыцкі» Пінскага раёна. У 1971 годзе дасягнула рэкорднага надою малака ад каровы — 7634 кг.
Герой Сацыялістычнай Працы (1971). Узнагароджана двума ордэнамі Леніна (1966, 1971). Званне «Ганаровы грамадзянін Пінскага раёна» прысвоена ў 2006 годзе за адменныя заслугі ў развіцці сельскагаспадарчай вытворчасці Пінскага раёна.