wd wp Пошук: ⬜

Льюіс Уолт

Льюіс Уільям Уолт (англ.: Lewis William Walt; 16 лютага 1913 — 26 сакавіка 1989) — чатырохзоркавы генерал Корпуса марской пяхоты ЗША, удзельнік Другой сусветнай, Карэйскай і В’етнамскай войнаў.

Біяграфія

Нарадзіўся 16 лютага 1913 гады ў акрузе Уобансі, штат Канзас [4]. Скончыў сярэднюю школу ў Форт-Колінз, штат Каларада. У 1936 годзе атрымаў ступень бакалаўра ў галіне хіміі ва Універсітэце штата Каларада.

Ва ўзросце 17 гадоў уступіў у нацыянальную гвардыю, але ў красавіку 1937 г. перанакіраваўся ў 6-ы полк марской пяхоты. З жніўня таго ж года па люты 1938-го знаходзіўся ў камандзіроўцы ў Шанхаі, дзе займаўся аховай міжнародных паселішчаў.

7 жніўня 1942 гады ў якасці камандзіра роты А 1-га рэйдэрскага батальёна высадзіў сваю роту пры штурме острова Тулагі на Брытанскіх Cаламонавых астравах. Пасля гэтага далучыўся да 5-га палка марской пяхоты на Гуадалканале, дзе прыняў удзел у бітве за дадзены востраў у якасці камандзіра 2-га батальёна. У снежні 1943 году ўдзельнічаў у штурме мыса Глостэр, Новая Брытанія, а ў верасні 1944 — бітве за Пелеліум [5].

У лістападзе па жнівень 1953 знаходзіўся ў Паўднёвай Карэі ў складзе 1-й дывізіяй марской пяхоты.

У чэрвені 1965 года прыняў камандаванне 3-ім экспедыцыйным корпусам марской пяхоты і 3-й дывізіяй марской пяхоты ў Паўднёвым В’етнаме, а таксама стаў галоўнакамандуючым ваенна-марскімі сіламі В’етнама і старэйшым дарадцам, каардынатарам I корпуса і I корпуса Рэспублікі В’етнам.

Сышоў у адстаўку 1 лютага 1971 года і пасля займаў пасаду дырэктара Моладзевага фонду марской пяхоты ЗША. Пазней каардынаваў расследаванне Сенатам ЗША міжнароднага незаконнага абароту наркотыкаў.

Памёр 26 сакавіка 1989 года ў сувязі з працяглай хваробы ў доме састарэлых у Галфпорце, штат Місісіпі. Пахаваны на Нацыянальных могілках Куантыка [6].

Літаратура

Simmons, Edwin H. (2003). The United States Marines: A History, Fourth Edition. Annapolis, Maryland: Naval Institute Press. ISBN 1-59114-790-5. https://archive.org/details/unitedstatesmari0000simm_r8b9.

Зноскі

1 2 Lewis William Walt // SNAC — 2010. Праверана 9 кастрычніка 2017.
1 2 Lewis William Walt // Find a Grave — 1995. Праверана 9 кастрычніка 2017.
1 2 Lewis William Walt // TracesOfWar
↑ Official Biography: General Lew Walt(нявызн.). USMC.
↑ Sledge, E.B. With the Old Breed: At Peleliu and Okinawa. New York: Presidio Press, 1981.
↑ U.S. Department of Veterans Affairs Gravesite Locator(нявызн.) (недаступная спасылка). Архівавана з першакрыніцы 29 верасня 2006. Праверана 8 чэрвеня 2021.

Спасылкі

На Вікісховішчы ёсць медыяфайлы па тэме Льюіс Уолт
Halloran, Richard. Lewis W. Walt, Marine Corps General, Dies at 76(нявызн.), New York Times (March 28, 1989).