Жан-Луі Барту (фр.: Jean Louis Barthou; 25 жніўня 1862 — 9 кастрычніка 1934) — французскі палітык і дзяржаўны дзеяч перыяду Трэцяй рэспублікі.
Нарадзіўся ў Аларон-Сент-Мары (гістарычная вобласць Аквітаніі) 25 жніўня 1862 года. Атрымаў юрыдычную адукацыю, але вельмі хутка ўключыўся ў палітыку. Упершыню быў абраны ў французскі парламент у 1889 годзе. З 1894 Барту займае розныя міністэрскія пасты, а з 22 сакавіка па 9 снежня 1913 года быў прэм’ер-міністрам Францыі. У 1923—1926 гадах быў старшынёй Репарацыйнай камісіі.
9 лютага 1934 г. ўступіў на пасаду міністра замежных спраў, але быў забіты ў Марселі 9 кастрычніка 1934 г. разам з югаслаўскім каралём Аляксандрам I. Барту быў ключавой фігурай у распрацоўцы Франка-савецкага дагавора аб узаемадапамозе, які быў падпісаны ў 1935 годзе ўжо яго пераемнікам П’ерам Лавалем.