Луіса Бое аф Генес (нар. 1 лістапада 1961, Бром, Швецыя) — шведская пісьменніца, журналістка і сцэнарыстка на тэлебачанні [2].
Луіса вырасла ў Броме з бацькамі і старэйшай сястрой. Яна пайшла ў школу-інтэрнат Lundsbergs school і стала вучаніцай з вышэйшымі адзнакамі па праграме сацыяльных навук. Пасля гэтага яна з’ехала за мяжу для працягу навучання. Вывучала літаратуру і журналістыку ў ЗША.
З 1999 года замужам за Карлам-Эрыкам Лагеркранцам, ад якога ў яе нарадзіліся дзеці: Карл-Аксель (2000 г.н.) і Эльза (2003 г.н.). Раней яна была замужам за Петэрам Вурсам, у той час партыйным сакратаром «Новай дэмакратыі». [3]
Як пісьменніца, яна заўсёды выкарыстоўвае дзявоцкае прозвішча.
Луіса напісала такія кнігі, як Ta vad man vill ha («Бяры тое, што хочаш», 1991), Ju mer jag ser dig («Я бачу цябе ўсё часцей», 1992), Ingen människa en ö («Нiводнага чалавека на востраве», 1994), Stjärnor utan svindel («Зоркі без галавакружэння», 1996), Rent hus («Чысты дом», 1999), När kärleken kom («Калі каханне прыйшло», 1999), Högre än alla himlar («Вышэй за ўсіх нябёсаў», 2010), Blå koral («Сіні карал», 2012), Folk av främmande stam («Іншаземцы», 2014), Blodlokan (2018), Skendöda (2018), Verkanseld («Адменена», 2019).
Кажуць, што яе кніга Stjärnor utan svindel («Зоркі без галавакружэння») апісвае яе адносіны з пісьменніцай Міан Ладален.
Акрамя кніг, яна таксама напісала сцэнарыі для некалькіх серыялаў, уключаючы Rederiet («Суднаходная кампанія») і Nya Tider («Новыя часы»). Луіза падпісала кантракт з Bazar Publishing на выпуск трох кніг для новага серыяла. Першая кніга з серыі Stella Polaris выйдзе ўвосень 2022 года. [4]
У снежні 2020 года дэбютуе з каверам на амерыканскую калядную песню «Я б хацела цябе на Каляды», што стала пачаткам збору грашовых сродкаў сумесна са Шведскай асацыяцыяй медсясцёр для адпачынку медсясцёр, якія працавалі падчас пандэміі COVID-19.