Лулейскі тэхнічны ўніверсітэт (шведск.: Luleå tekniska universitet) — шведская дзяржаўная вышэйшая навучальная ўстанова са статусам універсітэта з сядзібай у горадзе Лулеа.
Гэта самы паўночны тэхнічны ўніверсітэт Скандынавіі. Ён быў заснаваны 1 ліпеня 1971 года, тады як Лулейская вышэйшая тэхнічная школа. Установа атрымала статус універсітэта з 1 студзеня 1997 года, а затым змяніла назву на цяперашнюю.
Дзейнасць універсітэта сканцэнтравана на тэхнічнай галіне, але ён таксама рэалізуе грунтоўныя педагагічныя праграмы, медыцынскія навукі, эканамічную адукацыю і іншыя сацыяльныя навукі і даследаванні, а таксама адукацыю ў галіне музыкі, танцаў, тэатра і СМІ. Ва ўніверсітэце навучаецца каля 17 тысяч студэнтаў.