wd wp Пошук: ⬜

Луганскі дзяржаўны медыцынскі ўніверсітэт

Луганскі дзяржаўны медыцынскі ўніверсітэт (укр.: Луганський державний медичний університет) — украінская дзяржаўная вышэйшая навучальная ўстанова медыцынскага профілю, якая з 2014 года часова знаходзіцца ў горадзе Рубіжнэ.

Гісторыя

Загад Урада УССР аб адкрыцці ў Луганску другога ў Данбасе медыцынскага інстытута быў падпісаны 6 мая 1956 года. Афіцыйнае адкрыццё інстытута адбылося 1 верасня 1956 года на плошчы перад вучэбна-адміністрацыйным корпусам на вул. Абароннай 1 у прысутнасці студэнтаў 1 і 2 курсаў і выкладчыкаў. Станам на 1 верасня 1956 года ў інстытуце было 40 выкладчыкаў. Дырэктарам інстытута стаў Вашчанка І. Д., ён жа — галоўны лекар Луганскай абласной бальніцы, заслужаны лекар Украіны. На пасаду намесніка дырэктара па вучэбнай і навуковай працы быў прызначаны загадчык дацэнта кафедры мікрабіялогіі Павяліца Ф. Д.

13 кастрычніка 2014 года ў сувязі з баявымі дзеяннямі Луганскі дзяржаўны медыцынскі ўніверсітэт быў часова эвакуяваны з Луганска ў Рубіжнэ.

Апісанне

Да эвакуацыі ў 2014 годзе ўніверсітэта ў Рубіжнэ ён уяўляў сабой вучэбна-навукова-лячэбны комплекс, які ўключаў у сябе медыка-біялагічны ліцэй-інтэрнат, гімназію, навучальныя класы ў аддаленых раёнах вобласці, шэсць факультэтаў. Ва ўніверсітэце вучылася амаль 3000 студэнтаў, сярод якіх замежнікі больш чым з 30 краін свету. На факультэтах працавалі 40 кафедраў, з іх — 22 клінічныя і 18 тэарэтычныя. Паслядыпломная адукацыя ажыццяўлялася на факультэце паслядыпломнай адукацыі, дзе функцыянавалі 6 кафедр. Ва ўніверсітэце працавала 400 выкладчыкаў, сярод іх 76 дактароў навук, прафесараў, 288 кандыдатаў навук, дацэнтаў, 9 заслужаных дзеячаў навукі і тэхнікі і адзін заслужаны работнік народнай адукацыі Украіны, 5 лаўрэатаў Дзяржаўнай прэміі Украіны.

Зноскі

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Афіцыйны сайт універсітэта (укр.)