Лоры (Loriinae), шчоткаязычныя папугаі — падсямейства папугаяў.
Пашыраны ад Філіпінскіх астравоў да Паўднёвай Аўстраліі і Тасманіі, у Палінезіі. Жывуць у лясах.
Даўжыня да 40 см. Апярэнне яркае, пераважна чырвонае і зялёнае. Хвост доўгі. Дзюба доўгая, вузкая. На канцы мясістага языка шчотачка, утвораная тонкімі шчацінкамі, што дапамагае эбіраць з кветак пылок і нектар.
Кормяцца таксама ягадамі, пладамі, сокам дрэў, часам дробнымі насякомымі.
Нясуць 2—4 яйкі.