Леслі Чун (12 верасня 1956 — 1 красавіка 2003) — ганконгскі акцёр і спявак. Лічыцца «адным з бацькоў-заснавальнікаў кантапопа», паспяхова сумяшчаў акцёрскую і музычную кар’еры.
У 2000 годзе Леслі Чун быў названы «найвялікшай суперзоркай Азіі» каналам China Central Television, а ў 2005 годзе — прызнаны шляхам глядацкага галасавання самым улюбёным акцёрам за 100 гадоў кітайскага кінематографа. Пазней канал CNN уключыў яго ў «пяцёрку музычных ікон усіх часоў», змясціўшы ўслед за Майклам Джэксанам і The Beatles.
Пакончыў жыццё самагубствам, выкінуўшыся з акна 24-га паверха гатэля Mandarin Oriental 1 красавіка 2003 года.