Ленінградская атамная электрастанцыя (ЛАЭС) — найбуйнейшая ў Расіі па ўсталяванай магутнасці дзеючая атамная электрастанцыя (4187,6 МВт па даных на 2018 год), размешчана ў Ленінградскай вобласці, за 35 км на захад ад мяжы Санкт-Пецярбурга і за 70 км ад яго гістарычнага цэнтра, на ўзбярэжжы Фінскага заліва Балтыйскага мора ў горадзе Сасновы Бор (5 км ад АЭС). Сасновы Бор мае статус горада з абмежаваным наведваннем.
Будаўніцтва пачалося ў верасні 1967 года, першы энергаблок быў уведзены ў эксплуатацыю ў 1973 годзе, наступныя — у 1975, 1979 i 1981 гадах.
У 2015 годзе станцыі былі перададзеныя новыя энергаблокі будуемай станцыі ЛАЭС-2. Першы з іх быў уведзены ў эксплуатацыю ў 2018 годзе.
У 2018 годзе выпрацоўка электраэнергіі склала 28 815,4 млн кВт⋅гадз. План па выпрацоўцы ФАС на 2019 г. — 28 млрд 30 млн кВт⋅гадз.
Доля ЛАЭС у выпрацоўцы электраэнергіі ў канцэрна «Расэнергаатам» складае 14,1 % (даныя па выніках 2018 года).