Лейф Сегерстам (фінск.: Leif Selim Segerstam; нар. 2 сакавіка 1944, Васа) — фінскі дырыжор і кампазітар. У 1962 г., будучы абітурыентам Акадэміі імя Сібеліуса, выйграў нацыянальны конкурс піяністаў імя Май Лінд. Затым скончыў акадэмію, пасля чаго ўдасканальваў сваё майстэрства ў Джульярдскай школе пад кіраўніцтвам Джэймса Левайна, Леанарда Слаткіна і Жана Марэля. Узначальваў Сімфанічны аркестр Венскага радыё (1975-1982), Сімфанічны аркестр Фінскага радыё (1977-1987), Філарманічны аркестр зямлі Рэйнланд-Пфальц (1983-1990), Дацкі нацыянальны сімфанічны аркестр (1988-1995), Хельсінкскі філарманічны аркестр (1995-2007 ).