У Вікіпедыі ёсць артыкулы пра іншых асоб з прозвішчам Катовіч. Леанід Яўгенавіч Катовіч (4 мая 1935, Мінск — 15 мая 1995) — беларускі хірург, доктар медыцынскіх навук, прафесар.
Нарадзіўся ў сям’і ўрача. У 1959 г. скончыў Мінскі медыцынскі інстытут. Прайшоў шлях ад аспіранта кафедры аператыўнай хірургіі да загадчыка. У 1964 г. абараніў кандыдацкую дысертацыю на тэму «стафілакокавыя дэструкцыі лёгкіх у дзяцей і іх хірургінае лячэнне». У 1978 г. абраны загадчыкам кафедры тапаграфічнай анатоміі і аператыўнай хірургіі БелДІУУ, якой кіраваў да 1988 г. З 1980 па 1989 гг. — Дэкан хірургічнага факультэта БелДІУУ, з 1988 г. загадваў кафедрай дзіцячай хірургіі БелДІУУ, а з 1993 г. — прафесар той жа кафедры.
Аўтар больш за 120 навуковых прац, 2 манаграфій.
Асноўныя навуковыя напрамкі: таракальная і брушная хірургія.