Леанід Пятровіч Піліневіч (нар. 5 красавіка 1951, в. Вялікая Лотва, Ляхавіцкі раён, Брэсцкая вобласць) — беларускі спецыяліст у галіне парашковай металургіі і кампазіцыйных матэрыялаў. Доктар тэхнічных навук (2005), прафесар (2016).
Скончыў Мінскі радыётэхнічны інстытут (спецыяльнасць «Аўтаматыка і тэлемеханіка», кваліфікацыя «Інжынер-электрык», 1977), Беларускі політэхнічны інстытут (спецыяльнасць «Метады стварэння кампазіцыйных матэрыялаў і вырабаў», кваліфікацыя «Інжынер-тэхнолаг», 1979).
Працаваў у Інстытуце парашковай металургіі (1977—2010, інжынер, старшы навуковы супрацоўнік, загадчык лабараторыі, загадчык аддзялення), Беларускім дзяржаўным універсітэце інфарматыкі і радыёэлектронікі (з 2010, факультэт камп’ютарнага праектавання, кафедра інжынернай псіхалогіі і эрганомікі, прафесар).
Навуковыя інтарэсы: распрацоўка порыстых матэрыялаў і вырабаў на іх аснове рознага прызначэння.
Званне «Заслужаны вынаходнік СССР» (1987), медаль Францыска Скарыны (2001).