У Вікіпедыі ёсць артыкулы пра іншых асоб з прозвішчам Тараненка.
Леанід Аркадзьевіч Тараненка (13 чэрвеня 1956, Маларыта, БССР) — беларускі і савецкі спартсмен, цяжкаатлет. Уладальнік 19 сусветных рэкордаў, прычым два з іх — 266 кг у штуршку і 475 кг у дваябор’і — застаюцца неперасягнутымі і сёння. Першы трэнер — Пётр Сацюк.
Скончыў Беларускі інстытут механізацыі сельскай гаспадаркі па спецыяльнасці інжынер у 1979 годзе, Беларускі інстытут фізічнай культуры ў 1990 годзе. Выступаў за Добраахвотнае спартыўнага таварыства «Ураджай» (Мінск).
Заслужаны майстар спорту СССР (1980). Узнагароджаны ордэнамі Дружбы народаў і Працоўнага Чырвонага Сцяга.
Ганаровы грамадзянін Маларыцкага раёна (2015)[1].