У Вікіпедыі ёсць артыкулы пра іншых асоб з прозвішчам Бек.
Леанхард Бек (каля 1480, Аўгсбург — 1542, Аўгсбург) — нямецкі жывапісец, чарцёжнік і гравёр.
Сын Іагана Георга Бека, ад якога захаваліся два рукапісы Псалтыра (каля 1495 г.). Бек стаў вучнем Гольбейна і працаваў з ім з 1500 года над дамініканскім алтаром у Франкфурце. У 1503 годзе атрымаў права стаць майстрам-рамеснікам у Аўгсбургу. Выразаў больш 300 гравюр на дрэве. Уласныя карціны амаль не захаваліся. Адна з самых вядомых работ — «Святы Георгій у барацьбе з цмокам» выстаўлена ў Музеі гісторыі мастацтваў у Вене.