Лаура Дальмаер (ням.: Laura Dahlmeier; нар. 22 жніўня 1993, Гарміш-Партэнкірхен, Баварыя, Германія) — нямецкая біятланістка, алімпійская чэмпіёнка 2018 года ў спрынце і гонцы пераследу, сяміразовая чэмпіёнка свету, уладальніца Кубка свету 2016/2017, трохразовая чэмпіёнка свету сярод юніёраў. З 2013 года член зборнай Германіі. Лаура Дальмаер — адзіная біятланістка за ўсю гісторыю, якая выйграла 5 залатых медалёў на адным чэмпіянаце свету і якая заваявала ўзнагароды ва ўсіх асабістых гонках на двух чэмпіянатах свету запар (Хальменколен, 2016 і Гохфільцэн, 2017).