Латвійская акадэмія культуры
Латвійская акадэмія культуры (лат.: Latvijas Kultūras akadēmija) — латвійская дзяржаўная вышэйшая навучальная ўстанова, якая знаходзіцца ў Рызе.
Гісторыя
Ідэя стварэння асобнай Латвійскай акадэміі культуры была выказана на Латвійскім культурным форуме ў сакавіку 1990 года. 29 снежня 1990 года было прынята рашэнне № 1 Савета Міністраў Латвійскай Рэспублікі «Аб стварэнні Латвійскай акадэміі культуры». Вучэльню планавалася стварыць на базе Інстытута павышэння кваліфікацыі работнікаў культуры і Рыжскага тэхнікума для работнікаў культуры і адукацыі.
Петэрыс Лагіс быў прызначаны рэктарам акадэміі. Ён і Яніс Сіліньш, кіраўнік аддзела культурнай адукацыі Латвійскай кансерваторыі імя Язэпа Вітола, распрацоўвалі навучальныя праграмы і вырашалі арганізацыйныя, матэрыяльныя і фінансавыя праблемы.
Першы набор абітурыентаў адбыўся ў памяшканні Латвійскай школы культуры на вул. Брунінеку, але першыя лекцыі прайшлі ў цяперашнім будынку па адрасе: вул. Лудзас 24, дзе знаходзіўся Інстытут павышэння кваліфікацыі работнікаў культуры Міністэрства культуры Латвіі.
Магістарская праграма пачала сваю дзейнасць у 1996 годзе. У 1999 годзе былі ўпершыню прыняты на навучанне аспіранты. У 2009 годзе да акадэміі ў якасці структурных падраздзяленняў былі дададзены Музей тэатра імя Эдуарда Смільгі і Рыжскі музей кіно, у 2012 годзе - Латвійскі каледж культуры.
Спасылкі
-
На Вікісховішчы пакуль няма медыяфайлаў па тэме, але Вы можаце загрузіць іх
Катэгорыя·Навучальныя ўстановы, заснаваныя ў 1990 годзе
Катэгорыя·Рыга
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Навучальныя ўстановы з латышскай мовай навучання