У Вікіпедыі ёсць артыкулы пра іншых асоб з прозвішчам Бокун. У Вікіпедыі ёсць артыкулы пра іншых асоб з прозвішчам Болдырава. Ларыса Пятроўна Бокун (пры нараджэнні Болдырава) (нар. 11 лютага 1926, г. Новасібірск — 22 верасня 2014, г. Мінск) — беларускі савецкі трэнер па фехтаванні. Майстар спорту СССР (1948), заслужаны трэнер БССР (1961), заслужаны трэнер СССР (1967), заслужаны дзеяч фізічнай культуры БССР (1971)[1].
Скончыла Цэнтральны інстытут фізічнай культуры(руск.) бел. ў Маскве ў 1947 годзе. У 1947 выкладчык Беларускага інстытута фізічнай культуры, з 1949 трэнер па фехтаванні ў спартыўных арганізацыях Мінска, з 1975 трэнер Рэспубліканскай школы вышэйшага спартыўнага майстэрства.
Трэнер зборнай СССР на АГ 1968, 1972, 1976, 1980[2]. Сярод выхаванцаў неаднаразовыя чэмпіёнкі Алімпійскіх гульняў і свету Алена Бялова, Таццяна Самусенка, чэмпіёнка свету Дыяна Ніканчыкава(італ.) бел.[3].