У Вікіпедыі ёсць артыкулы пра іншых асоб з прозвішчам Самусенка. Таццяна Дзмітрыеўна Самусенка (у дзявоцтве — Пятрэнка; 2 лютага 1938, п. Астрашыцкі Гарадок, Мінскі раён, Мінская вобласць — 24 студзеня 2000, Мінск) — беларуская фехтавальшчыца (на рапірах), трохразовая алімпійская чэмпіёнка, заслужаны майстар спорту СССР (1960).
У 1962 годзе скончыла Беларускі політэхнічны інстытут па спецыяльнасці інжынер-канструктар.
Пасля завяршэння спартыўнай кар’еры працавала дзіцячым трэнерам, потым дырэктарам спецыялізаванай школы. У 1994 годзе арганізавала і ўзначаліла Беларускі рэспубліканскі фехтавальны клуб «Залаты клінок».