У Вікіпедыі ёсць артыкулы пра іншых асоб з прозвішчам Краснабай (значэнні).
Ларыса Аляксееўна Краснабай (25 красавіка 1948, Пружаны, Брэсцкая вобласць — 26 лютага 1996, Мінск) — беларускі архітэктар.
Скончыла Беларускі політэхнічны інстытут у 1971 годзе. З 1971 года — архітэктар, старшы архітэктар у Мінскграмадзянпраекце.
Член Саюза архітэктараў СССР з 1976 года. Пражывала ў Мінску.
Асноўныя працы (у аўтарскім калектыве): ПДП цэнтра Барысава і жылой зоны, якая прылягае да вул. Гагарына (1976), тэхнічныя праекты мікрараёнаў № 2 (1976), 5 (1979), 3 (1982) па вул. Гагарына і мікрараёна па вул. Нармандыя-Нёман (1978) у Барысаве, праект парку ў Салігорску (1980).