Ларс Арнэ Фроландэр (шведск.: Lars Arne Frölander, нар.26 мая 1974, Будэн, Швецыя) — шведскі плывец, алімпійскі чэмпіён 2000 года, шматразовы чэмпіён свету, Еўропы і Швецыі. Усяго на Алімпійскіх гульнях, чэмпіянатах свету і Еўропы заваяваў за кар’еру больш за 50 узнагарод. Сваю першую ўзнагароду на вышэйшым узроўні выйграў у 1992 годзе на Алімпіядзе ў Барселоне, апошнюю — у 2010 годзе на чэмпіянаце Еўропы ў Будапешце. Найбольш паспяховы адрэзак у кар’еры Ларса прыйшоўся на канец 1990-х — пачатак 2000-х.
Прадстаўляў Швецыю ў плаванні на летніх Алімпійскіх гульнях 1992 года, а таксама на гульнях 1996, 2000, 2004, 2008 і 2012 гадоў.
У 2000 годзе пасля перамогі на Алімпійскіх гульнях у Сіднеі быў удастоены залатога медаля Svenska Dagbladet, які ўручаецца найлепшаму спартсмену года ў Швецыі.
Тэмы гэтай старонкі (21):