У Вікіпедыі ёсць артыкулы пра іншых асоб з прозвішчам Панцялееў. Лангін Фёдаравіч Панцялееў (руск.: Лонгин Фёдорович Пантеле́ев; 1840—1919) — рускі выдавец, грамадскі дзеяч.
Нарадзіўся 6 (18) кастрычніка 1840 года ў Сальвычагодску Архангельскай губерні, дваранін. Скончыў гімназію ў Волагдзе ў 1858 годзе і юрыдычны факультэт Пецярбургскага ўніверсітэта ў 1862 годзе.
У канцы 1850-х — пачатку 1860-х — выкладчык матэматыкі ў малалетніх пеўчых Прыдворнай пеўчай капэлы. Студэнтам ажаніўся з пісьменніцай і перакладчыцай С. В. Латкінай. Быў членам тайнай рэвалюцыйнай арганізацыі «Зямля і воля», і ў снежні 1864 года быў арыштаваны за рэвалюцыйную дзейнасць і падтрымку Паўстання 1863-64 гадоў, асудзілі на 6-гадовую катаргу, замененай па прыбыцці ў Сібір (у Енісейская губерню) пасяленнем.
У 1876 годзе Панцялееў вярнуўся ў Пецярбург, а ў наступным годзе арганізаваў выдавецтва навуковай літаратуры. За 1877—1907 гады ён выдаў звыш 250 кніг, у тым ліку 4-томны збор твораў М. А. Дабралюбава і сачыненні А. Міцкевіча. P 1905 года быў сябрам партыі кадэтаў, супрацоўнічаў у многіх яе перыядычных выданнях, уваходзіў у склад Пецярбургскага гарадскога камітэта. У сакавіку 1917 года быў абраны старшынёй савета «Таварыства памяці дзекабрыстаў».
Памёр 16 снежня 1919 г. у Петраградзе. Пахаваны на Літаратарскіх мастках.