Лабжа́нскі сельсавет — адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Адміністрацыйны цэнтр — аграгарадок (да 2009 года вёска) Лобжа.
Утвораны 11 красавіка 1960 года ў складзе Клімавіцкага раёна Магілёўскай вобласці БССР шляхам аб’яднання скасаваных Дубравіцкага (10 населеных пунктаў: Барысавічы, Ганнаўка, Гарадок, Гута, Дубравіца, Ігнатаўка, Новыя Жаркі, Папехінка, Селішча, Старыя Жаркі) і Лапатавіцкага (10 населеных пунктаў: Гразівец, Заручча, Лапатавічы, Лобжа, Муравец, Пад’елле, Рудня, Сінеж, Слабада, Чарнец) сельсаветаў[1].
У склад сельсавета ўваходзяць 15 населеных пунктаў:
Населены пункт | Статус | Насельніцтва (2015 г.) | Гаспадаркі (2015 г.) |
---|---|---|---|
Барысавічы | вёска | 246 | 90 |
Ганнаўка | вёска | 4 | 2 |
Гразівец | вёска | 9 | 7 |
Гута | вёска | 39 | 22 |
Дубравіца | вёска | 10 | 5 |
Заручча | вёска | 19 | 13 |
Лапатавічы | вёска | 37 | 22 |
Лобжа | аграгарадок | 350 | 130 |
Муравец | вёска | 6 | 5 |
Новыя Жаркі | вёска | 74 | 37 |
Пад’елле | вёска | 22 | 13 |
Папехінка | вёска | 5 | 2 |
Рудня | вёска | 13 | 8 |
Сінеж | вёска | 19 | 9 |
Старыя Жаркі | вёска | 3 | 2 |
Крыніца: Клімавіцкі райвыканкам[2] |
Скасаваныя населеныя пункты на тэрыторыі сельсавета:
Насельніцтва сельсавета паводле перапісу 2009 года — 831 чалавек[3], з іх 97,2 % — беларусы, 1,9 % — рускія, 0,5 % — украінцы[4].
Станам на 1 студзеня 2015 года ў Лабжанскім сельсавеце пражывала 856 чалавек, на 1 студзеня 2021 года — 626 чалавек.