Кіпрскі тэхналагічны ўніверсітэт (грэч.: Τεχνολογικό Πανεπιστήμιο Κύπρου) — кіпрская дзяржаўная вышэйшая навучальная ўстанова са статусам універсітэта з сядзібай у горадзе Лімасол.
Кіпрскі тэхналагічны ўніверсітэт быў створаны спецыяльным законам Палаты прадстаўнікоў Кіпра ў снежні 2003 года. Ён быў створаны шляхам зліцця Вышэйшага тэхнічнага інстытута і шэрагу іншых навуковых устаноў. Задача ўніверсітэта — запоўніць прабел у кіпрскай адукацыйнай сістэме і даць адукацыю па спецыяльнасцях, якія адсутнічаюць у Кіпрскім універсітэце. У цяперашні час у тэхналагічным універсітэце ёсць уласны цэнтр вывучэння замежных моў і шэсць факультэтаў.