Кіпрскі еўрапейскі ўніверсітэт (грэч.: Ευρωπαϊκό Πανεπιστήμιο Κύπρου) — кіпрская прыватная вышэйшая навучальная ўстанова са статусам універсітэта з сядзібай у горадзе Нікасія.
Гэта прыватны ўніверсітэт у Нікасіі, які паўстаў з Кіпрскага каледжа, найстарэйшай вышэйшай навучальнай установы на Кіпры. Ён мае выбарачную палітыку прыёму, заснаваную на мінулых дасягненнях і паспяховасці студэнтаў. Ва ўстанове зараз навучаецца больш за 7 500 студэнтаў, яна надае міжнародна прызнаныя ступені бакалаўра, магістра і доктара філасофіі. Навучальныя праграмы ацэньваюцца на аснове Еўрапейскай сістэмы перадачы і назапашвання крэдытаў (ECTS).