Кім Хван Сік (кар. 김황식, 金滉植; нар. 9 жніўня 1948, павет Чансон, правінцыя Чала-Намда, Карэя) — прэм’ер-міністр Рэспублікі Карэя ў 2010—2013 гадах.
Атрымаў юрыдычную адукацыю ў Марбургскім універсітэце і Сеульскім нацыянальным універсітэце. Працаваў суддзёй. На дзяржаўнай службе — з 1972 года[2]. У 2005—2008 гадах — суддзя Вярхоўнага суда Рэспублікі Карэя, затым — старшыня камітэта па аўдыту і інспекцыях.
16 верасня 2010 года прэзідэнт Паўднёвай Карэі Лі Мён Бак вылучыў кандыдатуру Кім Хван Сіка на пасаду прэм’ер-міністра[2]. 1 кастрычніка Кім Хван Сік быў зацверджаны на пасадзе карэйскім парламентам; у яго падтрымку выказалася 169 дэпутатаў, супраць — 71[3]. Ён стаў першым прэм’ер-міністрам з правінцыі Чала-Намда[4]. У якасці ключавых прынцыпаў сваёй працы на новай пасадзе ён назваў «закон і прынцып», «дыялог і адзінства», «дапамогу бліжняму і спачуванне»[4].