Кэтлін Жэнеўеў (Кэці) Ледэкі (англ.: Kathleen Genevieve “Katie” Ledecky; нар. 17 сакавіка 1997, Вашынгтон) — амерыканская плыўчыха, спецыялізуецца ў плаванні вольным стылем на сярэдніх і доўгіх дыстанцыях (200, 400, 800 і 1500 метраў). Сяміразовая алімпійская чэмпіёнка, 15-разовая чэмпіёнка свету.
Устанавіла і рэгулярна абнаўляла тры сусветныя рэкорды ў плаванні вольным стылем на дыстанцыях 400, 800 і 1500 метраў на доўгай вадзе. На 7 жніўня 2016 года ўстанавіла 11 сусветных рэкордаў на гэтых дыстанцыях у суме (мінімум па два на кожнай).