У Вікіпедыі ёсць артыкулы пра іншых асоб з прозвішчам Ватанабэ.
Кэн Ватанабэ (яп.: 渡辺 謙 Ватанабэ Кэн?, 21 кастрычніка 1959) — японскі і амерыканскі акцёр тэатра, кіно і тэлебачання. За мяжой найбольш вядомы ролямі правадыра паўстанцаў даймё Кацумота ў фільме «Апошні самурай», генерала Курыбаясі ў фільме «Лісты з Івадзімы» і прадпрымальніка Сайта ў фільме «Пачатак». Шматразовы лаўрэат «Japanese Academy Awards», намінант на прэміі «Оскар» і «Залаты глобус» у катэгорыі «лепшая мужчынская роля другога плана» ў 2004 годзе за ролю ў фільме «Апошні самурай».