wd wp Пошук: ⬜

Кэндзіс Берген

У Вікіпедыі ёсць артыкулы пра іншых асоб з прозвішчам Берген (значэнні).

Кэндзіс Берген (анг. Candice Bergen, нар. 9 мая 1946, Беверлі-Хілс, штат Каліфорнія) — амерыканская актрыса, найбольш вядомая па ролях у тэлесерыялах «Мёрфі Браўн» і «Юрысты Бостана».

Біяграфія

Кэндзіс вывучала мовы і фатаграфію ў Вашынгтоне, а пазней у Пенсільваніі і Швейцарыі. Сваю кар’еру яна пачала ў якасці фотамадэлі, але ўжо праз непрацяглы час атрымала першыя прапановы роляў. У 1979 г. яна намінавалася на «Оскар» і «Залаты глобус» як лепшая актрыса другога плана ў фільме «Пачаць спачатку». За працу ў тэлесерыяле «Мёрфі Браўн» Кэндзіс Берген атрымала два «Залатыя глобусы» і пяць прэмій «Эмі».

У 1981 г. Кэндзіс Берген выйшла замуж за французскага рэжысёра Луі Маля. У іх нарадзілася дачка. Муж Кэндзіс Берген памёр у 1995 г.

Акрамя акцёрскай кар’еры Берген займаецца фотарэпартажамі, жывапісам і выяўленчымі мастацтвамі, а таксама напісала п’есу. Акрамя англійскай яна размаўляе на французскай і іспанскай мовах.

Зноскі

↑ http://www.aveleyman.com/ActorCredit.aspx?ActorID=1393
↑ (unspecified title) Праверана 4 сакавіка 2021.

Спасылкі

На Вікісховішчы ёсць медыяфайлы па тэме Кэндзіс Берген