Кушмуру́н, Убага́н[1][2] (каз.: Құсмұрын) — возера ў Кастанайскай вобласці Казахстана, у Тургайскай лагчыне, у басейне ракі Убаган (працякае праз возера), у напрамку на поўнач ад пасёлка Кушмурун.
Плошча паверхні возера 210[2][1] км², вагаецца ў залежнасці ад узроўню вады, у 1941 годзе дасягнула 463[2] км². Даўжыня возера 81[2] км, найбольшая шырыня 12,5[2] км. Глыбіні 1—3 м. Вада саланаватая, у малаводныя гады салёная. Праз возера працякае рака Убаган.