Ку́стаўніцкі нацыянальны польскі сельсавет — былая адміністрацыйна-тэрытарыяльная адзінка ў складзе Нараўлянскага раёна Мазырскай акругі. Цэнтр — вёска Кустаўніца.
Утвораны 20 жніўня 1924 года як Кустаўніцкі сельсавет у складзе Мазырскага раёна Мазырскай акругі БССР. 24 верасня 1926 года рэарганізаваны ў нацыянальны польскі сельсавет. З 5 кастрычніка 1926 года ў складзе Слабадскога раёна, з 4 жніўня 1927 года — у складзе Нараўлянскага раёна той жа акругі. Пасля скасавання акруговай сістэмы 26 ліпеня 1930 года ў Нараўлянскім раёне БССР, з 21 чэрвеня 1935 года — Мазырскай акругі. 23 жніўня 1937 года скасаваны, тэрыторыя далучана да Міхалкаўскага сельсавета[1].