Куляб (тадж.: Кӯлоб; перс. کولاب) — горад у Хатлонскай вобласці Таджыкістана, адзін з найстаражытнейшых гарадоў краіны. Размешчаны ў даліне ракі Яхсу (басейн Пянджа), ля падножжа хрыбта Хазрацішох, у 203 км на паўднёвы ўсход ад горада Душанбэ. 99,7 тыс. жыхароў па дадзеных на 2014 год.
Назва горада, відаць, паходзіць ад тадж. «Кӯлоб» - «азёрная вада».
Горад упершыню згадваецца пад сучаснай назвай у XIII стагоддзі.
Горад Куляб, які адзначыў сваё 2700-годдзе ў 2006 годзе, на працягу многіх стагоддзяў быў важным палітычным, гандлёва-эканамічным і культурным цэнтрам вялізнай Хатлонскай вобласці. Горад знаходзіўся на адной з галінак Вялікага Шаўковага шляху і меў цесныя гандлёва-эканамічныя і культурныя сувязі з многімі краінамі Усходу і Захаду.