Кулундзі́нскае возера — горка-салёнае возера ў Кулундзінскім стэпе ў Алтайскім краі Расійскай Федэрацыі, за 46 км у напрамку на ўсход ад горада Слаўгарад[1].
Плошча паверхні 728 км² (вагаецца ад 615 да 770 км²[2]). Глыбіня да 4 м. Плошча вадазбору 24 100[1] км². На поўначы і захадзе берагі абрывістыя, на ўсходзе і поўдні — спадзістыя. Шмат астравоў. Жыўленне снегавое; зімой не замярзае. Злучана пратокай з возерам Кучукскае (разам плошча 800 км²). Упадаюць рэкі Кулунда і Суетка[2].
Здабыча мірабіліту.