Кула́жка — рака ў Мёрскім і Шаркаўшчынскім раёнах Віцебскай вобласці, левы прыток ракі Янка (басейн Заходняй Дзвіны). Даўжыня 16 км. Плошча вадазбору 86 км². Сярэдні нахіл воднай паверхні 2,5‰. Пачынаецца за 1,7 км на захад ад вёскі Дзеверкі Мёрскага раёна, цячэ па заходняй частцы Полацкай нізіны, вусце на паўночнай ускраіне гарадскога пасёлка Шаркаўшчына. Асноўны прыток — Густатка (справа).