«Куды прапала малпа Маня?» — казка для дзяцей малодшага школьнага ўзросту. Аўтар — Таццяна Сівец.
Найлепшыя сябры, Брык і Шуся, якія калісьці сустрэліся ў гарадскім парку[1] і пасябравалі, у мінулай гісторыі разам увосень шукалі лета. Гэтым разам яны выпраўляюцца ў заапарк на дэтэктыўнае расследаванне адной заблытанай і цёмнай справы — знікла малпа Маня, ды, апроч таго, нехта распачаў паляванне на яе чырвоныя каралі[2].
Галоўныя героі кнігі, Брык і Шуся — незвычайныя істоты, якія не маюць канкрэтнага апісання, і хутчэй з’яўляюцца увасабленнем ўсяго добрага, чыстага, што ёсць і ў дзецях, і ў душах дарослых. Па задумцы аўтара чытач павінен убачыць у іх вобразе таго, каго сам захоча ці прыдумае, што пэўным чынам павінна паслужыць развіццю фантазіі дзіцяці.
Шуся, атрымала сваё імя ад таго, што нарадзілася восенню, пад шоргат сухога лісця. Яна маленькая, але вельмі смелая[1]. Брык, трохі старэйшы за Шусю, больш за ўсё на свеце любіць прыгоды і загадкі[3]. Атрымаў сваё імя дзякуючы бабулі самой аўтаркі. Калі нехта падаў, яе бабуля казала: «Брык — і паваліўся».
У першай кнізе Брык і Шуся шукалі, дзе знаходзіцца Краіна вечнага лета. У працягу «Куды прапала малпа Маня?» яны ствараюць дэтэктыўнае агенцтва, і спрабуюць разгадаць, куды з Мінскага заапарка знікла малпа Маня[4].