У Вікіпедыі ёсць артыкулы пра іншых асоб з прозвішчам Нільсан.
Крысціна Нільсан, графіня дэ Каса Міранда (швед. Kristina Nilsson, 20 жніўня 1843, Ведэрслёў — 20 лістапада 1921, Векшэ) — шведская оперная спявачка (сапрана).
Яна валодала бліскучай тэхнікай бельканта і лічылася саперніцай самай знакамітай дзівы Віктарыянскай эпохі Адэліны Паці.
Сама вучылася іграць на скрыпцы і флейце, спявала на кірмашах са сваім братам. На працягу двух гадоў вучылася ў Франца Бервальда. Таксама вучылася ў Парыжы.
У 1860 годзе яна давала канцэрты ў Стакгольме і Упсале. У 1872-85 гадах гастралявала ў Пецярбургу і Маскве. Пра грамадскі рэзананс гэтых гастроляў сведчаць згадкі пра Нільсан у рамане Л.Талстога «Ганна Карэніна». У 1869 годзе Нільсан стала членам Шведскай каралеўскай акадэміі музыкі.