wd wp Пошук: ⬜

Крынічны сельсавет

Крыні́чны сельсавет — адміністрацыйна-тэрытарыяльная адзінка ў складзе Мазырскага раёна Гомельскай вобласці. Цэнтр — аграгарадок (да 2018 г. пасёлак[1]) Крынічны.

Гісторыя

Утвораны 20 жніўня 1924 года як Бібікаўскі сельсавет у складзе Мазырскага раёна Мазырскай акругі БССР. Цэнтр — вёска Бібікі. З 5 кастрычніка 1926 года ў складзе Слабадскога раёна, з 4 жніўня 1927 года — у складзе Нараўлянскага раёна той жа акругі. Пасля скасавання акруговай сістэмы 26 ліпеня 1930 года ў Нараўлянскім раёне БССР. З 5 красавіка 1935 года ў складзе Мазырскага раёна, з 21 чэрвеня 1935 года — Мазырскай акругі. 23 жніўня 1937 года да сельсавета далучана частка скасаванага Тварычаўскага нацыянальнага польскага сельсавета. З 20 лютага 1938 года ў складзе Палескай вобласці. У Другую сусветную вайну з жніўня 1941 года да студзеня 1944 года тэрыторыя сельсавета знаходзілася пад нямецкай акупацыяй. З 8 студзеня 1954 года ў складзе Гомельскай вобласці. 11 чэрвеня 1980 года цэнтр сельсавета перанесены ў пасёлак Крынічны, сельсавет перайменаваны ў Крынічны[2].

Склад

У склад сельсавета ўваходзіць 10 населеных пунктаў:

Населены пункт	Статус	Насельніцтва, 2004	Гаспадаркі, 2004	Насельніцтва, 2009[3]	Насельніцтва, 2018
Акулінка	вёска	83	62	62	45
Бібікі	вёска	211	117	209	192
Гурыны	вёска	236	129	190	196
Крынічны	аграгарадок	1560	519	1858	2219
Лубня	вёска	32	22	23	14
Матрункі	вёска	79	46	86	107
Молажава	хутар	6	2	4	4
Пянькі	вёска	8	6	7	3
Стрэльск	вёска	45	31	48	32
Тварычаўка	вёска	303	103	335	302

Насельніцтва

Насельніцтва сельсавета паводле перапісу 2009 года — 2822 чалавекі[3], з іх 90,0 % — беларусы, 5,4 % — рускія, 2,8 % — украінцы, 0,7 % — цыганы[4].

Зноскі

1. ↑ Решение Мозырского районного Совета депутатов от 13 февраля 2018 г. № 180 Об отнесении некоторых сельских населенных пунктов Мозырского района к агрогородкам Архівавана 19 верасня 2020.
2. ↑ Рашэнне выканкома Гомельскага абласнога Савета народных дэпутатаў ад 11 чэрвеня 1980 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1980, № 20 (1646).
3. 1 2 Насельніцтва населеных пунктаў Гомельскай вобласці паводле перапісу 2009 года (руск.)
4. ↑ Этнічны склад насельніцтва сельсаветаў Беларусі паводле перапісу 2009 года (руск.)

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
• Гарады і вёскі Беларусі: Энцыклапедыя. Т.2. Кн.2. Гомельская вобласць / С. В. Марцэлеў; рэдкал.: Г. П. Пашкоў (гал. рэдактар) і інш. – Мінск: Беларуская Энцыклапедыя імя П. Броўкі, 2005. –520 с.: іл. ISBN 985-11-0330-6.

Тэмы гэтай старонкі (6):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Адміністрацыйныя адзінкі без геаграфічных каардынат
Катэгорыя·Былыя сельсаветы Нараўлянскага раёна
Катэгорыя·Былыя сельсаветы Слабадскога раёна
Катэгорыя·Крынічны сельсавет
Катэгорыя·Сельсаветы Беларусі, утвораныя ў 1924 годзе