Кракіна — возера ў Браслаўскім раёне Віцебскай вобласці, за 22 км на паўночны захад ад горада Браслаў, за 1,5 км на поўнач ад вёскі Карасіна, у басейне ракі Рычанка.
Плошча паверхні 0,03 км². Даўжыня 0,2 км, найбольшая шырыня 0,15 км. Даўжыня берагавой лініі 0,7 км.
Схілы катлавіны невыразныя, на ўсходзе разараныя ўзгоркі вышынёй да 5 м, на поўначы і захадзе забалочаны лес. Вакол возера забалочаная пойма шырынёй 30—100 м. Выцякае ручай у возера Рычы.