Крагуевацкі ўніверсітэт (сербск.: Универзитет у Крагујевцу) — адзін з універсітэтаў Сербіі, знаходзіцца ў горадзе Крагуевацы. Заснаваны 21 мая 1976 года.
У наш час універсітэт Крагуеваца ператварыўся ў сучасны адукацыйны і навукова-даследчы цэнтр, які ахоплівае амаль усе вобласці адукацыі і навукі. У склад універсітэта ўваходзіць 11 факультэтаў, ён таксама налічвае 14 000 студэнтаў і каля 1000 выкладчыкаў. Факультэты ўніверсітэта знаходзяцца ў пяці гарадах Цэнтральнай Сербіі, у якой пражывае каля дзвюх з паловай мільёнаў чалавек.