wd wp Пошук: ⬜

Клімент Аркадзьевіч Ціміразеў

Клімент Аркадзьевіч Ціміразеў (22 мая (3 чэрвеня) 1843, Санкт-Пецярбург, Расійская імперыя — 28 красавіка 1920, Масква, РСФСР) — расійскі вучоны ў галіне батанікі і фізіялогіі раслін, адзін з заснавальнікаў расійскай навуковай школы фізіёлагаў раслін, тэарэтык дарвінізму. Член-карэспандэнт Пецярбургскай акадэміі навук (1890), Расійскай акадэміі навук (1917).

Біяграфія

Скончыў Пецярбургскі ўніверсітэт (1866). У 1870—1892 гадах у Пятроўскай земляробчай і лясной акадэміі. Адначасова з 1877 года прафесар Маскоўскага ўніверсітэта. У 1911 годзе з групай выкладчыкаў пакінуў яго ў знак пратэсту супраць парушэння ўніверсітэцкай аўтаноміі.

Навуковая дзейнасць

Навуковыя працы па метадах даследавання фізіялогіі раслін, біялагічных асновах аграноміі, гісторыі навукі. Раскрыў заканамернасці фотасінтэзу як працэсу выкарыстання святла для ўтварэння арганічных рэчываў раслін. Папулярызатар дасягненняў у галіне фізіялогіі раслін.

Публіцыст («Жыццё расліны», 1878; «Навука і дэмакратыя», 1920).

Памяць

У Мінску яго імем названа вуліца (1940).

Зноскі

1 2 3 Тимирязев Климент Аркадьевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.

Літаратура

Ціміразеў Клімент Аркадзевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8. — С. 115.
Великие русские люди : сборник / [составитель В. Володин]. — Москва : Молодая гвардия, 1985. — (Жизнь замечательных людей; вып.6(646)) . — 414, [2]с., [16]л. ил.