Клешна — возера ў Полацкім раёне Віцебскай вобласці, за 24 км на паўночны захад ад горада Полацк, каля вёскі Лісуны, у басейне ракі Дрыса.
Плошча паверхні 0,57 км². Даўжыня 1,11 км, найбольшая шырыня 0,74 км. Максімальная глыбіня 1,8 м, сярэдняя — 1,17 м. Даўжыня берагавой лініі 3,29 км. Аб’ём вады ў возеры 0,67 млн м³. Плошча вадазбору 4 км².
Схілы катлавіны вышынёй 5—7 м (на захадзе да 20 м), параслі хмызняком, на поўначы і захадзе — пад лесам. На ўсходзе выцякае ручай у возера Лонне.