wd wp Пошук: ⬜

Кладзіна лясная

Кладзіна лясная (Cladina arbuscula, Cladonia sylvatica) — від лішайнікаў сямейства Кладоніевыя.

Распаўсюджванне і экалогія

Расце на пясчанай (пераважна кіслай) глебе ў хваёвых лясах, на палянах, схілах узгоркаў, ўзлесках[1].

На тэрыторыі Беларусі сустракаецца паўсюдна[1].

Біялагічнае апісанне

Слаявіна кусцістая. Падэцыі тонкацыліндрычныя, моцна разгалінаваныя, утвараюць дзярнінкі 5-12 см вышыні, без каравога пласта, з гладкай або дробнабародаўчатай, матавай паверхняй, светла-шэрага, шаравата-жаўтлявага або жаўтлява-шызага колеру; ў месцах галінавання ўтвараюцца адтуліны, асабліва на галоўных галінках. Канчатковыя галінкі сабраны ў пучкі, заканчэнні іх пафарбаваны ў карычневы колер; стэрыльныя — паніклыя, тыя, што нясуць пладовыя целы — прамастаячыя. Апатэцыі бурыя або буравата-рудыя, утвараюцца на канцах галінак па аднаму або зліўшыся па некалькі, 0,3-1,2 мм у дыяметры. Споры падоўжанаавальныя або верацянопадобныя, 7-13×2-3,5 мкм[1].

Таксанамія

Выдзяляюць некалькі падвідаў і форм:

Cladonia arbuscula f. arbuscula (Wallr.) Flot. (1839).
Cladonia arbuscula f. caerulescens (Schade) Grummann (1963).
Cladonia arbuscula f. decumbens (Anders) Asahina (1971).
Cladonia arbuscula f. subspumosa (Coem.) Grummann (1963).
Cladonia arbuscula subsp. arbuscula (Wallr.) Flot. (1845).
Cladonia arbuscula subsp. arbuscula (Wallr.) Hale & W. L. Culb.
Cladonia arbuscula subsp. beringiana Ahti (1961).
Cladonia arbuscula subsp. boliviana (Ahti) Ahti & DePriest (2001).
Cladonia arbuscula subsp. imshaugii (Ahti) Ahti & DePriest (2001).

Cladonia arbuscula subsp. mitis (Sandst.) Ruoss (1987), (= Cladonia mitis).
Cladonia arbuscula subsp. pachyderma (Ahti) Ahti & DePriest (2001).
Cladonia arbuscula subsp. squarrosa (Wallr.) Ruoss (1987).
Cladonia arbuscula subsp. stictica Ruoss (1989), (= Cladonia mitis).
Cladonia arbuscula var. arbuscula (Wallr.) Flot. (1839).
Cladonia arbuscula var. mitis (Sandst.) Sipman, (= Cladonia mitis).

Выкарыстанне

Утрымлівае уснінавую, фумарпротацэтраравую і ўрсолавую кіслоты. Валодае ярка выяўленымі антымікробнымі ўласцівасцямі[1].

Зноскі

1 2 3 4 Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 50-51. — 592 с. — 120 000 экз.

Літаратура

Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 50-51. — 592 с. — 120 000 экз.
Кабзар Н. Кладзіна // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз.
Кабзар Н. Кладзіна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.