wd wp Пошук: ⬜

Кентэн Фіён Мае

Кентэн Фіён Мае (фр.: Quentin Fillon Maillet) — французскі біятланіст, двухразовы алімпійскі чэмпіён Алімпійскіх гульняў 2022 года (індывідуальная гонка і гонка пераследу), трохразовы сярэбраны прызёр Алімпійскіх гульняў 2022 года (эстафета, змяшаная эстафета і спрынт), двухразовы чэмпіён свету ў эстафетах, уладальнік Кубка свету ў сезоне 2021/2022.

Кар’ера

У Кубку IBU дэбютаваў у сезоне 2012/2013 на першым этапе ў шведскім Ідрэ. Ужо ў трэцяй сваёй гонцы набраў кубкавыя ачкі, заняўшы 4-ае месца ў індывідуяльнай гонцы ў нарвежскім Бейтастолене.

На юніёрскім чэмпіянаце свету 2013 года быў 5-м у спрынце, 4-м у гонцы праследавання і заваяваў срэбра ў эстафеце разам з Клеманам Дзюмонам, Мацье Легранам і Дэні Шавацье.

У Кубку свету дэбютаваў у сезоне 2013/2014 на этапе ў французскім Ле-Гран-Барнане, ужо ў другой сваёй гонцы — гонцы праследавання — ён здолеў набраць свае першыя ачкі, фінішыраваўшы 37-м. Лепшым вынікам сезона стала 14-е месца ў гонцы праследавання на этапе ў італьянскім Антхольцы. У агульным заліку Кубка свету стаў 51-м, набраўшы 101 ачко за сезон.

У сезоне 2018/2019 паказаў свае лепшыя вынікі — перамогі ў мас-старце на этапе ў італьянскім Антхольцы-Антэрсельве і гонцы пераследу на этапе ў Солт-Лэйк-Сіці.

Агульны залік у Кубке свету

2013/2014 — 51-е месца (101 ачко)
2014/2015 — 23-е месца (408 ачкоў)
2015/2016 — 12-е месца (580 ачкоў)
2016/2017 — 20-е месца (466 ачкоў)
2017/2018 — 10-е месца (518 ачкоў)
2018/2019 — 3-е месца (843 ачкі)
2019/2020 — 3-е месца (843 ачкі)
2020/2021 — 3-е месца (930 ачкоў)
2021/2022 — 1-е месца (984 ачкі)

Экіпіроўка

Лыжы — Fisher
Лыжныя палкі — SWIX
Пальчаткі — SWIX
Ачкі — Julbo
Чаравікі — Fisher

Зноскі

1 2 olympics.com — 2021. Праверана 20 лютага 2022.

Спасылкі

Профіль IBU (англ.)
Вынікі на сайце Французскай федэрацыі лыжнага спорту Архівавана 25 лютага 2014. (фр.)
Фэйсбук Кентэна Фіёна Мае