wd wp Пошук:

Каэтан Ангіяліні

У Вікіпедыі ёсць артыкулы пра іншых асоб з прозвішчам Ангіяліні. У Вікіпедыі ёсць артыкулы пра іншых асоб з прозвішчам Анджаліні. Каэтан Ангіяліні[4], таксама Анджаліні; італ.: Gaetano Angiolini, 27 лістапада 1748, П’ячэнца, Італія — 17 лістапада 1816, Рым) — архітэктар, педагог, езуіт, жыццё і творчасць якога звязаны з Беларуссю.

Далучэнне да Таварыства Ісуса і навучанне

Нарадзіўся ў сям’і шчырых вернікаў. Далучыўся да Таварыства Ісуса ў Італіі (Венецыянская правінцыя) 17 кастрычніка 1765 г. Бацькоўскае выхаванне і асяроддзе спрыяла таму, што чацвёра яго братоў — Антаніна (Алесандра), Джузэпе (Юзаф), Франчэска і Луіджы, таксама сталі езуітамі. У П’ячэнцы набыў гаманітарную адукацыю, а ў Балонні вывучаў філасофію, фізіку і матэматыку. У 1771—1773 гг. выкладаў граматыку у Ферары і Модэне. Пасля скасавання Таварыства Ісуса студыяваў тэалогію ў Вероне. Пасля асвячэнне на ксяндза спалучаў святарскую дзейнасць з вывучэннем мастацтваў, асабліва жывапісу і архітэктуры.

Пераезд у Беларусь

Праз некаторы час пасля скасавання Ордэна (1773), у 1783 г. разам з роднымі братамі Юзафам Анджаліні (1747—1814) і Франчэска Анджаліні (1750—1788) прыехаў у Беларусь. Спачатку вывучаў польскую мову і выкладаў казуістыку ў Полацкім езуіцкім калегіуме, а потым перабраўся ў Віцебск, дзе і пражыў большую частку амаль дваццацігадовага расійскага этапу свайго жыцця. Каэтан Анджаліні быў рэгентам пансіёна (1786—1794), выкладчыкам французскай мовы і архітэктуры (1790—1796) у Віцебскім езуіцкім калегіуме. Пасля года на пасадзе сакратара правінцыяла ў Оршы вяртаецца ў Віцебск, дзе ізноў выкладае архітэктуру. У якасці кіраўніка будаўніцтва (1794—1796 і 1800—1801) спраектаваў і распісаў і аздобіў інтэр’ер мясцовага езуіцкага касцёла.

Вяртанне на Радзіму

Па запрашэнні Габрыэля Грубера пераязджае ў Пяцярбург як прапаведнік для сталічных італьянцаў (1801—1803). У 1802 г. быў абраны генеральным асістэнтам і ў наступным годзе быў накіраваны новым генералам Таварыства Ісуса, Г. Груберам, у Італію, каб весці падрыхтоўку да канчатковага аднаўлення Ордэна езуітаў. Разам з аднадумцамі яму ўдалося дамагчыся дазволу на дзейнасць Таварыства ў Неапалітанскім каралеўстве. Памёр у Рыме.

Творчасць

Кіраваў працамі па ўзвядзенні мураванага касцёла Святога Іосіфа ў Віцебску і спраектаваў яго галоўны алтар[4].

Зноскі

  1. 1 2 Papa E. Gaetano Angiolini // Dizionario Biografico degli Italiani — 1961. — Vol. 3. Праверана 9 кастрычніка 2017.
  2. Gaetano Angiolini // Artists of the World Online, Allgemeines Künstlerlexikon Online / Hrsg.: A. Beyer, B. SavoyB: K. G. Saur Verlag, Verlag Walter de Gruyter. — doi:10.1515/AKL
  3. RKDartists Праверана 26 красавіка 2018.
  4. 1 2 «Архітэктура Беларусі. Энцыклапедычны даведнік». Мінск, «Беларуская Энцыклапедыя імя Петруся Броўкі», 1993. С. 574

Літаратура

Тэмы гэтай старонкі (17):
Катэгорыя·Вучоныя паводле алфавіта
Катэгорыя·Памерлі ў 1816 годзе
Катэгорыя·Выкладчыкі Полацкага езуіцкага калегіума
Катэгорыя·Артыкулы пра асоб без альма-матар
Катэгорыя·Архітэктары Беларусі
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нарадзіліся 27 лістапада
Катэгорыя·Нарадзіліся ў правінцыі П’ячэнца
Катэгорыя·Памерлі 17 лістапада
Катэгорыя·Выкладчыкі Віцебскага езуіцкага калегіума
Катэгорыя·Нарадзіліся ў 1748 годзе
Катэгорыя·Асобы
Катэгорыя·Езуіты Беларусі
Катэгорыя·Архітэктары Віцебска
Катэгорыя·Артыкулы пра вучоных без партрэтаў
Катэгорыя·Памерлі ў Рыме