Кафедральны сабор Вадуца або Кафедральны сабор св. Флорына (ням.: St. Florinskirche in Vaduz, Kathedrale St. Florin) — неагатычны сабор у Вадуцы, цэнтр архідыяцэзіі Вадуца. Першапачаткова быў парафіяльнай царквой, атрымаў статус сабора ў 1997 годзе.
Кафедральны сабор быў пабудаваны ў 1873 годзе Фрыдрыхам фон Шмітам на месцы сярэднявечнага падмурка. Сабор названы ў гонар Флорына Рэмюскага, нябеснага заступніка далін Валь Веноста, які жыў у IX стагоддзі. Архідыяцэзія Вадуца была абвешчана папам Янам Паўлам II у апостальскай Канстытуцыі 2 снежня 2002 года. Да гэтага сабор быў часткай Ліхтэнштэйнскага дэканата, які ўваходзіў у епархію, якая кіравалася з Швейцарыі.